पाचवी शिष्यवृत्ती गणित नफा - तोटा | Navodaya Scholarship exam Profit - Loss

       

पाचवी शिष्यवृत्ती / नवोदय

गणित

नफा - तोटा

महत्वाचे संबोध -

1. खरेदी किंमत - ज्या किंमतीमध्ये वस्तूची खरेदी केली, त्या किंमतीस त्या वस्तूची खरेदी किंमत असे म्हणतात.

2. एकूण खरेदी किंमत - विक्रीचा व्यवहार करताना एखादी वस्तूची विक्री करण्यापूर्वी तिच्यासाठी करावा लागणारा सर्व खर्च मूळ खरेदी किंमतीत मिळवून मिळणाऱ्या रकमेस एकूण खरेदी किंमत असे म्हणतात.

3. विक्री किंमत - ज्या किंमतीमध्ये वस्तूची विक्री केली, त्या किंमतीस त्या वस्तूची विक्री किंमत असे म्हणतात. या

4.नफा - वस्तूच्या खरेदी किंमतीपेक्षा जर वस्तूची विक्री किंमत जास्त असेल तर नफा झाला असे म्हणतात.

5. तोटा - वस्तूच्या विक्री किंमतीपेक्षा जर वस्तूची खरेदी किंमत जास्त असेल तर तोटा झाला असे म्हणतात.

लक्षात ठेवा -
1. फायद्याला नफा तर नुकसानीस तोटा असे म्हणतात.

2. वाहतूक, जकात, भाडे, दुरूस्ती, नुतनीकरण, हमाली इ. करिता जी जादा रक्कम द्यावी लागते त्याचा समावेश मूळ खरेदी किंमतीमध्येच करावा व या‌द्वारे मिळणारी एकूण खरेदी किंमत विचारात घ्यावी.

3. नफा किंवा तोटा यांची शेकडेवारी ठरवताना त्यांची तुलना खरेदी किंमतीशी करतात.

 * सूत्रे-

1. नफा = विक्री किंमत - खरेदी किंमत

2. तोटा = खरेदी किंमत - विक्री किंमत

3. खरेदी किंमत = विक्री किंमत - नफा

4.खरेदी किंमत = विक्री किंमत + तोटा

5. विक्री किंमत = खरेदी किंमत + नफा

6. विक्री किंमत = खरेदी किंमत - तोटा

7. शेकडा नफा = (नफा ÷ खरेदी किंमत) × 100  

8. शेकडा तोटा = (तोटा ÷ खरेदी किंमत) × 100

9. एकूण खरेदी किंमत = मूळ खरेदी किंमत + त्या वस्तूंवरील इतर सर्व खर्च

वरील घटकाचा अभ्यास करून टेस्ट सोडवल्यास आपल्याला घटक कितपत आत्मसात झाला हे समजण्यास मदत होईल.

या घटकावर ऑनलाईन टेस्ट सोडवण्यासाठी खालील बटणावर क्लिक करा