प्राथमिक शिष्यवृत्ती परीक्षा
इयत्ता - चौथी
विभाग - गणित
घटक - वर्तुळ
वर्तुळ: त्रिज्या, व्यास, जीवा, केंद्र, परीघ, आंतरभाग, बाह्यभाग, वर्तुळकं हे सर्व वर्तुळाचे भाग आहेत.
1) त्रिज्या : वर्तुळाचा केंद्रबिंदू आणि वर्तुळावरील कोणताही एक बिंदू यांना जोडणारी रेषा म्हणजे त्रिज्या होय.
एका वर्तुळाला असंख्य त्रिज्या असतात. सर्वांची लांबी सारखी असते.
2) जीवा : वर्तुळावरील कोणतेही दोन बिंदू जोडणारी रेषा म्हणजे 'जीवा' होय.
एका वर्तुळाला असंख्य जीवा असतात. सर्वांची लांबी सारखी नसते.
3) व्यास : वर्तुळ केंद्रातून जाणाऱ्या जीवेला वर्तुळाचा 'व्यास' म्हणतात.
एका वर्तुळाला असंख्य व्यास असतात. सर्वांची लांबी सारखी असते.
व्यास ही वर्तुळाची सर्वांत मोठी जीवा आहे.
वर्तुळाचा व्यास हा त्रिज्येच्या दुप्पट लांबीचा असतो.