प्राथमिक शिष्यवृत्ती परीक्षा
इयत्ता - चौथी
विभाग - गणित
घटक - परिमिती - त्रिकोण, आयत, चौरस
परिमिती : बंदिस्त आकृतीच्या सर्व बाजूच्या लांबीची बेरीज म्हणजे त्या आकृतीची परिमिती होय.
बहुभुजाकृती : बहु - जास्त, भुजा बाजू, जास्त बाजू असलेली बंदिस्त आकृती.
त्रिकोण : तीन बाजू असलेली बंदिस्त आकृती.
चौरस - चारही कोन काटकोन व चारही बाजू समान असलेल्या चौकोनाला 'चौरस' म्हणतात.
आयत - ज्या चौकोनाच्या समोरासमोरील बाजू समान लांबीच्या असतात तसेच चारही कोन काटकोन असतात. त्या आकृतीला 'आयत' म्हणतात.
नमुना प्रश्न
1) एक समभुज त्रिकोणाची बाजू १५ सें.मी. असल्यास त्याची परिमिती ?
1) ६०
2) ४५
३) ७०
4) ८०
स्पष्टीकरण : समभूज त्रिकोणाला तीन बाजू आहेत. त्रिकोणाची परिमिती = तिन्ही बाजूंची बेरीज म्हणून १५ सें.मी. + १५ सें.मी. + १५ सें.मी. = ४५ सेंमी. म्हणून पर्याय क्रमांक २ हे बरोबर उत्तर आहे