नमस्कार विद्यार्थी मित्रांनो आणि पालकांनो!!
उन्हाळी सुट्टी म्हणजे फक्त खेळ आणि मजा नाही, तर काहीतरी नवीन शिकण्याची उत्तम संधी सुद्धा आहे. मुलांच्या इंग्रजी विषयाची भीती दूर व्हावी आणि त्यांचा शब्दसंग्रह (Vocabulary) वाढावा, यासाठी आपण 'इंग्रजी सोबत गट्टी' ही विशेष टेस्ट सिरीज सुरू केली आहे.
आजची आपली ऑनलाईन टेस्ट क्र. 10 ही Parts of Tree (झाडाचे अवयव) या विषयावर आधारित आहे.
या टेस्टमध्ये काय शिकायला मिळेल?
झाडं आपल्या जीवनाचा अविभाज्य भाग आहेत. पण त्यांच्या विविध भागांना इंग्रजीत काय म्हणतात, हे मुलांना माहित असणे आवश्यक आहे. या टेस्टमध्ये खालील शब्दांचा सराव होईल:
टेस्टची वैशिष्ट्ये:
मराठी अर्थासह इंग्रजी शब्दांची ओळख.
सोपे आणि समजण्यासारखे प्रश्न.
टेस्ट सबमिट केल्यावर लगेच गुण (Score) पाहण्याची सोय.
चुकीच्या उत्तरांचे योग्य स्पष्टीकरण.
पालकांसाठी महत्त्वाची टीप:
दररोज एक टेस्ट सोडवल्यामुळे मुलांचा आत्मविश्वास वाढतो आणि खेळत-खेळत इंग्रजी विषयाची तयारी होते. ही टेस्ट सिरीज खास प्राथमिक शाळेतील विद्यार्थ्यांसाठी डिझाइन केलेली आहे.
ही टेस्ट आपल्या मित्र-मैत्रिणींसोबत आणि व्हॉट्सॲप ग्रुपवर नक्की शेअर करा!
दररोज नवीन टेस्ट सोडवा आणि इंग्रजी शिका!
"झाडे लावा झाडे जगवा" हा सुविचार आपल्या सगळ्यांना माहिती असेलच. झाडे हे आपल्या जीवनाचे सार आहेत. झाडाशिवाय पृथ्वीवरील जीवनाची कल्पना अशक्य आहे. ते पृथ्वीवरील अमूल्य संपत्तीसारखे आहेत. वृक्षामुळेच माणसाला त्याच्या गरजा पूर्ण करण्यासाठी संसाधने मिळतात. झाडे नसतील तर पर्यावरणाचा समतोल बिघडेल, पाऊस पडणार नाही आणि सर्वत्र विनाश होईल. मानवाला झाडाचे खूप फायदे होतात. झाडे आपल्याला निवारा आणि सावली देतात. झाडे हे औषधाचा एक महत्वाचा स्त्रोत आहेत. झाडे पर्यावरणातील हवा शुद्ध करतात. झाडे हवेतील कार्बन डायऑक्साईड शोषून घेतात आणि त्या बदल्यात ते मानवाला श्वसनासाठी आवश्यक असणारा ऑक्सिजन पुरवतात. झाडांपासून कागद बनवला जातो. घराच्या बांधकामात आणि फर्निचरसाठी लाकडाचा वापर केला जातो. झाडाला फळ, फूल, पान, फांद्या, मूळ, खोड असे निरनिराळे अवयव असतात आणि हे सर्व अवयव मिळून एक बहारदार वृक्ष निर्माण होतो.
तर विद्यार्थी मित्रांनो अशा या उपयोगी झाडाच्या अवयवांची इंग्रजी नावे आपल्याला माहिती असणे आवश्यक आहे. चला तर मग खाली दिलेली चाचणी सोडवून आपण ती नावे अभ्यासूयात.....!!
